Իսրայելը հարվածներ է հասցրել Լիբանանի հարավում «Հըզբոլլահ»-ի ռազմական օբյեկտներին
Իսրայելի պաշտպանության բանակը (ՑԱԽԱԼ) հարվածներ է հասցրել Լիբանանի հարավում գտնվող «Հըզբոլլահ» շարժման ռազմական օբյեկտներին, որտեղ, ըստ հետախուզական տվյալների, տեղակայված են եղել հրթիռային կայանքներ և զենքեր․ հայտնում է Իսրայելի Պաշտպանության բանակի մամուլի ծառայությունը։
«Որոշ ժամանակ առաջ մեր ուժերը, հիմնվելով առկա հետախուզական տվյալների վրա, հարվածներ են հասցրել Լիբանանի հարավում գտնվող «Հըզբոլլահ» ահաբեկչական կազմակերպությանը պատկանող ռազմական օբյեկտներին, որտեղ հայտնաբերվել են նրանց զենքերն ու հրթիռային կայանքները»,-նշված է պաշտոնական հաղորդագրության մեջ։
