ՌԴ-ն հույս ունի, որ հայկական կողմը չի ձեռնարկի քայլեր, որոնք կվնասեն երկու երկրների բազմակողմանի համագործակցության․ Կոպիրկին
Մոսկվան հույս ունի, որ Երևանը չի ձեռնարկի քայլեր, որոնք կվնասեն Ռուսաստանի հետ հարաբերություններին․ հայտարարել է Հայաստանում Ռուսաստանի դեսպան Սերգեյ Կոպիրկինը։
Դիվանագետի խոսքով՝ Մոսկվան պատրաստ է օգնել Հայաստանին միջազգային կապերի ընդլայնման գործում։ «Միևնույն ժամանակ՝ մենք ելնում ենք այն փաստից, որ հայկական կողմը չի ձեռնարկի քայլեր, որոնք կվնասեն մեր բազմակողմանի համագործակցությանը և կխաթարեն մեր եղբայրական ժողովուրդների դարավոր կապերը», – ընդգծել է Ռուսաստանի դիվանագիտական առաքելության ղեկավարը։
Նա հավելել է, որ Մոսկվան մեծ ներուժ է տեսնում տարածաշրջանային համագործակցության զարգացման մեջ՝ Հարավային Կովկաս, Ռուսաստան, Իրան և Թուրքիա։
Կոպիրկինը նաև կարծում է, որ նախկին աշխարհակարգի համակարգը անդառնալիորեն անցյալի է դառնում։
«Մենք համոզված ենք, որ համաշխարհային կայունությունը կարող է ապահովվել միայն փոխադարձ հարգանքի, բոլոր կողմերի շահերը հաշվի առնելու, բռնապետությունից հրաժարվելու և օտար մոդելների պարտադրման հիման վրա։ Այսօրվա աշխարհը խորը, իսկապես տեկտոնական վերափոխումների է ենթարկվում», – նշել է դեսպանը Ռուսաստանի օրվան նվիրված ընդունելության ժամանակ։
Կոպիրկինը հավելել է, որ ավելի ու ավելի շատ պետություններ են ձգտում ամրապնդել իրենց ինքնիշխանությունը, պաշտպանել ազգային շահերը և պահպանել մշակութային և քաղաքակրթական ինքնությունը։ «Այս գործընթացները բնական են, քանի որ դրանք արտացոլում են ժամանակակից աշխարհի իրական բազմազանությունը և ժողովուրդների ցանկությունը՝ կառուցելու միջազգային հարաբերությունների ավելի արդար, հավասար և կայուն համակարգ», – նշել է Կոպիրկինը։
