Ահաբեկչությունը կատարվել է Կիևի շահերից ելնելով. «Կրոկուսի» գործով քննությունն ավարտվել է
Ռուսաստանի քննչական կոմիտեն ավարտել է «Կրոկուսում» տեղի ունեցած ահաբեկչության վերաբերյալ քրեական գործի նախաքննությունը․ գրում է РИА Новости-ն՝ հղում տալով գերատեսչության պաշտոնական ներկայացուցիչ Սվետլանա Պետրենկոյին։
Նրա խոսքով՝ ՔԿ–ն պարզել է, որ «Կրոկուսում» տեղի ունեցած ահաբեկչությունը ծրագրվել և իրականացվել է Ուկրաինայի իշխանությունների շահերից ելնելով՝ իրավիճակն ապակայունացնելու նպատակով. Գրոհայինները ցանկացել են ահաբեկչություն իրականացնել նաև Կասպիյսկի առևտրի կենտրոնում։
«Քննությամբ պարզվել է, որ այդ անմարդկային հանցագործությունը ծրագրվել և կատարվել է Ուկրաինայի գործող ղեկավարության շահերից ելնելով՝ մեր երկրում քաղաքական իրավիճակն ապակայունացնելու նպատակով։ Բացի այդ, մի շարք մեղադրյալներ ծրագրել էին պայթեցնել Դաղստանի Հանրապետության Կասպիյսկ քաղաքի զվարճանքի համալիրը, սակայն այդ հանցագործությունը կանխվել է», – հայտարարել Է Պետրենկոն։
Նրա խոսքով՝ «Կրոկուսում» ահաբեկչության նախապատրաստությունը սկսվել է մի քանի ամսում, մի շարք կասկածյալների ՌԴ են մեկնել արտասահմանից, որտեղ նախապատրաստություն են անցել:
«ՌԴ-ում արգելված «Վիլայաթ Խորասան» ահաբեկչական կազմակերպության անդամները, ինչպես նաև նրանց հանցակիցներն ու ահաբեկիչներին զինած անձինք, կախված յուրաքանչյուրի ստանձնած դերից, մեղադրվում են ահաբեկչական գործողության, ահաբեկչական գործողության աջակցման, ահաբեկչական գործունեության իրականացման նպատակով նախապատրաստություն անցնելու, ահաբեկչական կազմակերպության գործունեության կազմակերպման և նմանօրինակ կազմակերպության գործունեությանը մասնակցելու մեջ», – ասել է Պետրենկոն:
Բացի այդ, նրանք մեղադրվում են զենք-զինամթերքի, պայթուցիկ նյութերի ապօրինի շրջանառության, պայթուցիկ նյութերի վերասարքավորման կամ վերանորոգման և ահաբեկչության նախապատրաստման, ինչպես նաև Ռուսաստանի Դաշնությունում գտնվելու վայրում օտարերկրյա քաղաքացու կամ քաղաքացիություն չունեցող անձի կեղծ գրանցման մեջ:
Պետրենկոն նաև հայտնել է, որ 19 մեղադրյալների առնչվող քրեական գործն ուղարկվել է դատախազին` դատարան փոխանցելու համար: Ահաբեկչական կազմակերպության երկու ղեկավարների և չորս անդամների նկատմամբ նախաքննությունը շարունակվում է:
